Ф.М. Достоевскийдің әдеби-мемориалдық музейінде Қадыр Мырза Әлінің 90-жылдығына орай әдеби-музыкалық кеш өтті. Нағыз қазақ – қазақ емес, нағыз қазақ – домбыра деп жырлаған белгілі ақын, аудармашы, Қазақстанның халық жазушысы Қадыр Ғинаятұлы Мырза Әлі 1935 жылы 5 қаңтарда Орал облысының Жымпиты кентінде туған. Ақынның өмірінен және шығармашылығынан жас ұрпаққа насихатталды. Кешке №1 музыкалық мектеп балалары мен №4 орта мектеп оқушылары өнер көрсетіп және Жоғарғы «Авиценна» медициналық колледж студенттері қатысты. Ақынның өлеңдерінен үзінді оқылып, әндері паш етілді. Кеш соңында Ескендір Хасанғалиев ағамыз әндеткен «Атамекен» әні шырқалды.