Көрме музейдің негізін қалаушыларға, сондай-ақ музейге үлес қосқан және оның коллекцияларын кеңейтуге еңбек сіңірген көрнекті сәулетшілерге, мүсіншілерге және суретшілерге арналған. Әрине, көрме музейдің көптеген достары — Ф.М.Достоевский мен Ш.Ш. Уәлихановтың ұрпақтары, жазушылар, ғалымдар, зерттеушілер назарынан тыс қалмайды. Мұнда жарты ғасырдан астам уақыт ішінде музейде өткен мыңдаған іс-шаралар — көрмелер, ғылыми конференциялар, байқаулар, спектакльдер, әдеби кештер, шығармашылық жобалар мен «Музей түні» акциялары туралы білуге болады. Сондай-ақ, музей қорларын соңғы жылы толықтырған ең жаңа экспонаттарды көре аласыз.