Әлемде балалар туралы Достоевскийдің сөзінен асқан танымал афоризмдер жоқ. Әрбір білімді адам «Ағайынды Карамазовтар» романындағы мына бір үзіндіні біледі деп ойлаймыз: «Бүкіл дүниенің бақыты бейкүнә баланың бір көз жасына татымайды.»
«Музейде де XIX және ХХ ғасырлардағы балалардың бақыты неден тұратыны туралы айтуға шешім қабылдады», — деп түсіндірді көрме кураторы Алла Белякина.
көруге болатын заттар.
Жаңа туған нәрестелерге күтім жасайтын заттар мен емізіктер, пупустар мен қағаз қуыршақтар, машиналар мен тапаншалар, велосипедтер мен плюшкалар, кітаптар мен білім беру ойындары, оқулықтар мен мақтау парақтары, дизайн және сурет жинақтары, бесіктер мен кілемшелер, модельдеу және шығармашылық жинақтары, балалар журналдары мен газеттері тағы басқада заттар қойылған, бұл жерде айтатын дүниенің тізімінің жартысы ғана. Сонымен қатар, ХХ ғасырдың әртүрлі жылдардағы дүниеге келген кішкентай семейліктердің көптеген балалар суреттері ұсынылған.
Экспонаттардың көпшілігі алғаш рет қойылып отыр. Мәселен, көрмеде әрбір кеңес одағы сәбиінің алғашқы «құжатын» – перзентханаларда жаңа туған нәрестелердің қолына байланған клеенка «метрикасын» көруге болады. Немесе жас техниктердің арманы – ГДР-да шығарылған әскери техниканың үлгілерін құрастыруға арналған жинақтар. Ұзақ жылдар бойы Семей балалар көркемсурет мектебінің оқушылары жас суретшілер атанған кезде медальдармен марапатталды, олардың бірін көрмеден де көруге болады. Қағаздан жасалған қуыршаққа арналған киім жиынтығы да бүгінде сирек кездеседі. Бір сөзбен айтқанда, көрме бақытты балалық шақтың ерекше әлеміне еніп, жағымды естеліктер оятады.